For Our Land and Our People... Eima Râh nata Eima Chipho Chata..., Browser he Mozilla Firefox Hma bei ma ei!
Home News CNF nata Sawhkha adyna biereina liata ahlaopa Puhpa Thet Ni nata atyhna
CNF nata Sawhkha adyna biereina liata ahlaopa Puhpa Thet Ni nata atyhna PDF Print E-mail
Written by Deitu   
Friday, 13 July 2012 04:30

 

Puh Thet Ni
 

 

MSA: Atahmala Yangon liata Myanmar sawhkhâ nôpawzy nata atyh awpa ta âvy tahpa ta eima pahno. Ahyma nâ vaw tyh. Pakhazi ma nâ tyh ei? Khâpa phupy vyuhpa ta ma nâ vy? Khâpa kyhzy ma nama discuss tly?

Thet: Keima ei vaw tyhpa he Ministry of Information Director Yehtut nata atyh awpa ta âvypa ei cha. Ethnic Media tawhta  Mo 5 eima bcha. Keima he Khonumthung news vyuh pata  âvypa acha. Ethnic Media he exile liata Burma News International (BNI) moh hmâpa ta member 11 ta paduapa acha. Cha hry liata mo 5 he BNI vyuhpa ta Sawhkhâ nata atyh awpa ta atlypa eima cha. Yehtut he Europe la khih tlyhta atyh thei mapi, Chahrasala Bie eima piepa cha Burma râh liata Media law apua khai tawhta atyh heih awpa acha. He media law kyh he atahmâ thla july 4 Naypyidaw liata ama taopa Hlutdaw Meitei liata ama pachia awpa acha. Yangon lâ ei vyh chhâna he eima râh chhôh liata ethnic media he registration tao thei n’awpa acha. Cha tawhta BNI office chhao Yangon liata eima pahy hra.

MSA:Kô vâropi chhôh Yangon na tlô khao lei tawhta atahmâ na vaw tlôpa cha kheihta na feeling? A Kiahthy kaw na tah ma?

Thet: Chyhsa pachana ta Yangon zy he ei tlô heih aw tahpa apangia sa khao vana. Khazohpa hmo apatôhpatia laina dâh ei no a âh kaw. Kô vâropi chhôh cha khatlatlu cha akiahthy awpa tlai acha, Vâtlâh mo hmo theipa lâpi sinozy, sawhkhâ hneipa ozy cha apha viapa ta ei pahno. Chahrasala hneirôhpa nata sipasapazy likawh khihsa tôhtuna  âhnai âsâh kaw chypa ta eipahno.

MSA: Yangon na vaw tlô tita Yangon Mara sawzy nâ hmô thai ei ma? Amo ta kheihta ama cha hmô? Ama cha welcome ma?

Thet: Keima yangon lâ ei sie awpa kyh he ahyhmâ chho chili leipa acha. Châhrasala nôpaw chhaihkha lâ tawhta ahmôpakhynazy tao awpa ta taraw eita keimo lâ tawhta daiti ei hnei thei vei. Kheihtarai chasala  zâpinoh a chhyna eima bâ tawhta Mara awnanopa nôpaw hluh via, Politics nôpawpazy, Sawhkha lâta nôpawpazy nata thopi dona taopa ta ahmôna chyupa eimatao. Yangon lâ ei vy chhânazy, Marapa myone kyhzy, ENDP kyh zy pachâna kyh reinazy eina hnei khei ei. Ama biereina liata Marapa kyh ama pachânazy arônah kawpa ta ei pahno.

 

MSA: CNF liata khâpa raihria na chakao? CNF liata na hlaona thatih siapa miah chho bei.

Thet: CNF liata keima he Central Executive Member ei cha, Ei rai patupa he Chin Public Affairs Committee ( CPAC) liata Secretary duahmo ei cha. CPAC  ta arai hria via chaipa cha  News agency, Human Right, Development, Health, Dam, Trade Union, Family issue zyh he acha.

MSA:  CNF nata Sawhkha nata adyhna biereina liata nâ hlaopa eima cha pahno.  Hmialâ liata he adyhna biereina py liata nâ hlao khao aw ma? He liata nâ hlaona role asiapa eima pahno khoh kaw. Khati Nay Pyi Taw nâmâ vy aw? President pôhpa cheingei atyh awpa achâ ma?

Thet: He he cha CEC meeting ta maniah amâ tlyna hawhta a cha heih aw. Eima pachâna ta cha September thla chhôh he atyh hei awpa acha aw, ahyzy ma âtyh aw ei tahpa reipahmaona y mâh vei. Keima he sawhkha ei 2 eimâ tyhna taihta CEC member pakha duahmo ta acha. Talk chho he  record leader ta ei cha (writing , Camera, video , news ). President pôhpa nata he talk kyh achâleipa chhaota eimâ tyh thlyu awpa ta ei pangiasa.

MSA: Marapa châta âbyuh ngâsâpa Khihpi châta CNF nata CNF liata achakao ngalapa Marasaw (Dr. Ngochole, nama nata Marasaw zydua etc.) ta khâpa nama tao’theipa, nama tao’thaipa a y? Tao theipa châmawhsala tao awpa plan nama hneima?

Thet: Marapa châta rietheina kheihawhpa lâpi rai cha se eima theina rakha ta eima tao aw, Marapa ta eima byuh chaipa he khihpipa châ thlâh veima. He châta eima plan na kyh he rei awpa ta chatlie tu chy khiah ma aw. Marapa ta Dr. Ngochole hawhpa sawhkha nata tlâhchô chyhsa zy, Chin chyhsazy ta angiabâ kawpazy eima hnei thlâhpa he  vâhnei ei tah kaw. Atahmâla chhao kha ano pâhpa tlaita Naypyidaw liata Minister chhaihkha nata â kaw hmô hra ei.

MSA:  Marasaw châta tao theipa châsala khâpa na tao tua aw?

Thet: Marapa zydua palôh raoh kawpa ta, thakha zâh kha tlapa ta eima hnei thei awpa Khipipa kyh he châ thlâh veima.

 

MSA: MSA châta na bietae byuhpa!

Thet: Mopho hropazy he hneirona ta achadai thei khao aw mapi. Mo hropazy eimâ kho theina lâpi sâkha hawhta ei hmâpa cha Thaina , Sohna dei he acha. MSA he Marapa châta pawpi, Awhsi hawhta eima hneitlakaihpa phupy acha. Hmialâ eima tlô awpa daiti liata MSA heta Marapa châta Awhsi, Pawpi ngia kawpa hluhpi vaw papi lymâ mawh se.

MSA: Eimâ châ ly kaw.

Thet: Ei châ ly kaw hra ei.

Puhpa TheNie(Didipaw) he Tisi khihpa châta  Choza phopa achâ. Myanmar râh liata B.A. apatlôpa acha hra. CNF liata achakao ngalapa châta, Aizawl, Mizoram, India, liata ama chhôhkha chhaota alypa ta khih ama sa.

 

Last Updated on Sunday, 12 August 2012 01:38
 
 

A vaw chareipazy!

We have 77 guests online

Peimawhpazy!

Featured Links: