For Our Land and Our People... Eima Râh nata Eima Chipho Chata..., Browser he Mozilla Firefox Hma bei ma ei!
Home News Puhpa Mâbau Biography
Puhpa Mâbau Biography PDF Print E-mail
Written by Deitu   
Saturday, 07 July 2012 19:22

Eima Mara nôpawpa Puhpa Mâbau cha date 7th July 2012 noh my 8:00am liata ano pina khih Lelaipi khih liata machana hri-ia ta miah apahasai haw tahpa thâtih eima dao. Ano he apahana daihti liata kô 85 apha haw. Ano miah pahasaipa cha MSA ta thata taokhei pita, ano palyupalih n’awpa châta ary liata ano biography eima vaw palâsa.

 

Puhpa Mâbau

Former Member of Chin State People’s Council Inspectorate Committee, Peasants Delegate in National Convention

Puhpa Mâbau cha 15.9.1929 noh ta Lelaipi khih liata a pih. Puhpa Lôtô nata pihnô Ngôchie zy sawchapaw uhthei chaipa a châ.

Kô 1947 ta Burma pheisaih a ngia ta, 1951 ta Bai kha a hmô. Kô1953 ta Bai thôh a hmô. 1955 ta pheisaih siku liata a chu ta, py 8 a passed. 1963 ta Warrant Officer II hmô ta, kô 1967 ta pheisaih tawhta pension a la. Kô 1968-1970 taih Party liata chakao ta, kô 1971 ta Matupi township Party Unit Member ta patlohpa a cha. Kô 1973 ta Party Convention Delegate ta a tlypa a châ. Kô 1973 ta Township Party Unit Member ta atly chanei heihpa a châ. Kô 1981-1988 taih Chin State Peoples’ Council, Peoples’ Inspectorate Member a hria pazao.

Kô 1988 ta râh ryureina cha pheisaihnawh ta la ei ta, chatanachata Hiakha tawhta a pina khih Lelaipi la thlai a zâ pasie. Lelaipi liata khih nôpawpa ta khih a sakhei ei.

Kô 1993 liata pheisaih sawhkhâ ta rah constitution taopathi nawpa ta National Convention pahrua ta, ano he lyuthlyu penawh vyuhpa (Peasants’ Delegate) ta amâ tlyh. 1993 tawhta 2007 taih National Convention liata âhlaopa nôpawpa acha.

Puhpa Mâbau he a chuna nata thaina âsâh kawpa a hneipa châ leipa ta, pheisaih liata chhao ta Army Officer tloh kawpa chhao châ hra vei. Anodeikua cha, pheisaih a bâ tawhta Politics liata a hriana he a zaopa ta ahria lymâpa a cha. Burmese Socialist Programme Party sawhkhâ chhoh zydua kha fulltime hawhta vaw pazao thei lymâ ta, 1988 sawhkhâ arao tita abâhpa a châ.

Ano he chyhsa phapa, a palôhphao a pha hmeiseihpa achâ. Ahrozi chhao amopatlâh a châ hmeiseih. Marapa hry liata râh ryureina kyh liata a pasi chaipa ta a pazao thei lymâpa châta, thyutliapa sawzy ta a mopâtlâh achâpa nôpaw pakha a châ.Kô Machâ kawpa ta apina Lelaipi liata a pahrâ chhôh liata sawhkhâ ryureituh nopawzy Lelaipi ama vaw tlô tyh nota ano he ahmô chyu tyh eita, ama palyupalih chyu tyh. Chahry liata alâhâh chaipa sawhkhâ nôpawzy cha brigadier general HuNgai (Chief Minister, Chin State), colonel San Aung ( Buuhahhmu-Matupi pheisaih), colonel Zaw Myint Oo zy ama châ. Ano he Marapa ta ENDP padua nawpa kyh liata pachanâ apie ngaita kawpa châta ENDP patron chhao achâ hra. Atahmâ âpahana daihti liata ko 85 apha haw. A lapi, Sawchapaw (2) nata sawchanô (7) zy asie sai ei.

 

Ref; (1) Maraland Gospel Centenary Magazine Page 183-184

        (2) The 50th Anniversary of  Matupi Magazine           

Related News: Chin World Media (Burmese Version)    

  layer...

Last Updated on Thursday, 12 July 2012 21:23
 
 

A vaw chareipazy!

We have 64 guests online

Peimawhpazy!

Featured Links: