For Our Land and Our People... Eima Râh nata Eima Chipho Chata..., Browser he Mozilla Firefox Hma bei ma ei!
Home News Satlia Elaisa Vahnie ,USA NGO United Way ta "Outstanding Service Award" pie
Satlia Elaisa Vahnie ,USA NGO United Way ta "Outstanding Service Award" pie PDF Print E-mail
Written by Deitu   
Monday, 25 June 2012 15:59

Mara Satlia Elaisa Vahnie cha USA râh liata NGO lai ngaitapa United Way ta "Outstanding Service Award"  apie tahpa ta eima pahno.

 

Mara Satlia Elaisa Vahnie
Mara Satlia Elaisa Vahnie, Founder&CEO of Burmese American Community Institute (BACI)

Elaisa Vahnie, Founder and CEO of Burmese American Community Institute (BACI) cha Zawpi, Chi nata Pho châta arai chakaona zydua mopazipa ta "Outstanding Service Award" he ama vaw piepa a cha. Central Indiana State chhôh liata aypa zydua nominate hluhpi tao eita, ano he atly papuapa a cha tahpa ta MCC-USA Chairman ta areih. July 21, 2012 noh liata Indiana Convention Center liata Award hlâna Ceremony he rônah ngaitapata ama tao aw tahpa ta ano ta areih pazao.

St. Elaisa Vahnie he Primary school tawhta High School taihta class liata top 1-3 vaw hmô lai lymâpa châta; Mindat Government High School No(1) tawhta "A" ta avaw pass khai tawhta C.Th, Pre. BD, BD nata B.Com(Honors) Delhi University lia 2nd year achu nga hai nota TOEFL arohpatlôhpa ta USA la U.S. Dept of State scholarship ta a sie. University of Bloomington, Indiana state liata B.Sc IT & Business cognate ala khai tawhta MPA he 2011 May thla liata apatlôpa acha.

St. Elaisa he Puhpa Tha Khai nata Pihno Hizai zy sawchapaw liahpa châ ta, Nochhi Mararah (Aru, East Maraland) tawhtapa châta, a pho moh cha Chhaihlo a cha. Ko 12 akhohapa rachhôh tawhna khata atheina hawhta Chin refugee châta vaw hriapasa lymâ ta, Malaysia UN lia chhao B.Sc. IT a patlôpatawh nata Chin nata Marapa zydua châta rai vaw hria ta, chiheihzy lâthlôh patlâ nawpa châta US sawhkha hnohta hlaotlohpa ta avaw daoh pata lâthlôh avaw pahyna kyh liata hmah alatuhpa a cha.

Mawtâh chakâhna kyh liata International Community lobby avaw tao tuhpa nata Burma râh tawhta top singer-zy America khihpi hluhpi liata concert taona kyh liata avaw patôhpatia khai tuhpa kha a cha hra.

Ref : Mara Unawhzy Yahoo Gruop

www.maraland.net

 

Last Updated on Thursday, 12 July 2012 21:16
 
 

A vaw chareipazy!

We have 66 guests online

Peimawhpazy!

Featured Links: