For Our Land and Our People... Eima Râh nata Eima Chipho Chata..., Browser he Mozilla Firefox Hma bei ma ei!
Home News India râh, Mizoram liata Government High School zydua hry liata First Rank avaw hmôpa Fie Thaipaki Sheena Chozah nata hmia atyhna
India râh, Mizoram liata Government High School zydua hry liata First Rank avaw hmôpa Fie Thaipaki Sheena Chozah nata hmia atyhna PDF Print E-mail
Written by Kelvin   
Saturday, 02 June 2012 07:53

 

Fie Thaipaki Choza, 2011-2012 achuna kô, Mizoram liata athai pathluapa Marasaw

 

MSA-Na moh, Na nôpaw moh nata nakhih moh miah chho thei bei teh.

Thaipaki Sheena-Keima moh cha Thaipaki Sheena Chozah châta Seihnai tahpa ta eina awh tyh ei. Ei paw moh cha C. Thahe châta einô moh cha C. Ngôthlie a châ. Ei khih cha Lelai,Thatla pai châta, tahmâ he Siaha, India liata a ypa eima châ.

MSA-Na hawti noh tawhta tahmâ taih nâ chuna kyh miah chho bei teh?

Thaipaki Sheena-Primary he Don Bosco School Siaha liata a chu nata Middle he Adventist English Academy, Siaha liata ei chu. High School he Government Mizo Higher Secondary School, Chamari, Aizawl liata ei chu heih.

 

Sri Milladi Khrishna Rao  ta lyma apie ngalanopa acha

 

MSA- Tahmâ na hlaotlohna kheihawhpa acha? Kheita lâ tawhta hlaotlohpa e a cha?

Thaipaki Sheena-Abeipa ngiachhiena vâta 2010-2011 Academic Year liana khata Mizoram liata Government High School zydua hry liata First Rank avaw hmôpa eicha. Tahmâ ta Award ei dao pa he cha, Sri Milladi Khrishna Rao ( Legislative Assembly Member of Ponducherry) ta apaduapaYanam Old Age Home ta State zydua nata Union Territory zydua liata First Rank Holder zydua hnohta alykheina nata pachônôsana châta lymâ apie tyhpa a cha. Lymâ maniah apie pacha, Merit Certificate, Memento, Taka-phusa Rs-10000 zy nata Travelling Fare, Hotel AC Room Fare nata noh-2 eima châh chhôhta nie mâ nata Taxi mâ zydua he a cha. He he amo Telegu New Year Ugadi Celebration nohta ama pie tyhpa châta, keimo he a eih-5 na liata adaopa eima cha.

 

Fie Thaipaki ,Sri Milladi Khrishna Rao nata Moses C Tehlo

 

MSA- Nâma he kheitama na study tyh? Marasaw School achupazy châta sharing miah pie hra bei teh.

Thaipaki Sheena-Ei hawtino tawhta tahmâ taih he nohkha ta Homework eima hneipa he azo lâta tao khai tyh nata, homework eima hnei leipa chhaota daw 1 chhâ zâ chareih ei chu tyh. Exam chy heta bâh ei tiama via tyh. He hawta regular kawpa ta ei vaw chu laih lymâpa vâta nata Abeipa ngiachhiena vâta Kg-1 tawhta Class 10 taih he First or Second Position lia saita vaw y lymâ tyh nata, 4 Grade Board Examination, Saiha District liata Top 9 liata vaw tloh hra nata, 7 Board Examination liata Top 8 liata avaw hlao heih thei nata, Mathematics liata Highest Mark eivaw hmo pâ hra. Class 9 ei chu nota SCERT, Aizawl tawhta Proficiency in Science And Mathematics Award la thei nata, 2010 ko liata Class 10 ei chu hai nota Mizo Zirlai Pawl ta Mizoram Class-10 Quiz Competition apachhuahpanohpa liata pa-3 na châ nata, ahlaopa zy hry liata Mathematics liata ataopha chaipa liata einâ tlyh hra ei. He byhna ei topa zydua he Khazohpa ngiachhiena, Nôpaw deichhy khohkhei phana achâ hleikho ta regular ta châ ei vaw chu tyhna theila miakha achâpa hawhta ei pangiasa.

MSA- Hmialâ khâpa a chhuahna na hnei/ na saduthliena miah chho hra bei teh.

Thaipaki Sheena-Ei saduthliena cha Doctor Surgeon Super Specialist châta, a tlâhleipazy nata bao a ngiahpazy ei theina rakha ta bao awpa he ei khoh ngaitapa nata ei saduthliena a cha. He he cha sahpa saduthliena deita châta pi apatlo tuhpa cha Khazohpa achâ pa hawhta, ano ku liata ei pahnieh khai thlâh haw.

MSA- Achupazao thei awpa chamawhsala khâpa nâ chu aw?

Thaipaki Sheena-Tahmâ he class 12 achu awpa ei chhua nga hainota a cha.

MSA- MSA chô liata na hmôna dâh miah chho hra teh

Thaipaki Sheena-MSA Conference he ei hlao ngailei tarawpa ta ei pawta na chho tyhta ei hlao byuh ngaita kawhra, khazohpa ta âryh a tah khiahtala hmialâ ei hlao cheingei hra aw. Chyhsa hluhpi biereina tawhta ei theina dâhtala MSA he Mara School hawti zy achuna kyh liata thata hmah ama sie thei via nawpa ta hmah ama la lymâ tahpa he pahno nahta ei ly ngaita kaw. Keichhao he MSA member pakha ei châ hrapa vâta ei ly ngai ta kaw hra.

MSA- Na reih byu viahpa nata MSA châta bietana na hnei khohpa maih chho hra bei.

Thaipaki Sheena-Ei ly chaina daihti liata MSA ta he hawhta interview eina vaw taopa va ei chita MSA chô liata châ ly hmeiseih ei nata, tawhtala ei vie kaw tyhpa hmo sahkha ei reih byuh viahpa cha Mara sawzypi he eima hnabeidy hmâ tuh tyhpa vâta eima tloh thei awpa chhao a tloh thei leipa eima hluh ngaita awpa ta ei pangiasa. Chavata achuhaipazy pi he hnabeidyna hnei leipa ta hnabeiseihna tlokhuh hneipa ta tiama ngaitahpa ta a chu lymâ awpa he a peimawh ngasapa ta ei pahno. A chhâna liata ei rei khoh kawpa cha interview na vaw tao tuhpa MSA nata he a vaw reihtuhpa nama zydua chô liata a lyna bie ei cha hlâ hmeiseih ei. Hmialâ ei chu laihna liata pitlohna byhna ei to via lymâ thei nawpa ta, nama thlachhâna liata, ngiachhie pata nâ vaw thei tyh hra bei muh vy tahpa chhao ei châ haw pâ hra ei.

Abeipata MSA he byhna pi lyma mawh sy.

Ei chaly kaw ei. Long live, MSA!

For Our Land & Our People!

MSA-He hawhta na daihti sôh kawpa miah na pasai theipa vata nata pachâna phapazy, khokheina phapazy miah na tao theipa vata na chô liata MSA ta thata eimâ châ ly hra. Nâ chhuahnazy, nâ chu pazao awpazy liata hlaotlohna phapa na to via lymâ thei nawpa ta MSA ta thlah eima cha chhâ khei lymâ aw!!

( He atyhna hlaotloh thei nawpa ta miah buakhei chaipa Paw Kelvin(Former MSa Information Secy,Dehli) hnohta alyna bie eima reih. He atyhna he 2012 March liata taopa chata MSA Web team  mbanh ryhpaoh leina hluhpi vata atahma eima vaw post theipa acha!! Thaipiki(Seihnai) Facebook moh cha Sheena Choza acha!!)

Last Updated on Saturday, 16 June 2012 08:18
 
 

A vaw chareipazy!

We have 68 guests online

Peimawhpazy!

Featured Links: